fbpx

பேச்சு இறைவன் மனிதனுக்களித்த அரிய பரிசு. விலங்குகளிடமிருந்து மனிதனை வேறு படுத்திக் காட்டுவது பேச்சுதான். மிருகங்கள் பேசாமல் வாழ முடியும். ஆனால் மனிதர்கள் பேசினால்தான் வாழ முடியும். நாக்கும் அதிலிருந்து வெளிப்படும் வாக்கும் மனிதனின் அசைக்க இயலாத செல்வங்கள்.

மனதில் தோன்றும் எண்ணங்களுக்கு பேச்சுதான் வடிவம் கொடுக்கிறது. மூச்சு உள்ளவரை பேச்சு இருக்கும். பேச்சு இல்லையென்றால் மூச்சு நின்று விட்டதற்கு ஒப்பாகும்.

சிறப்பாகப் பேசுவோர் பிறரைக் காட்டிலும் வெற்றிப் படிகளில் வேகமாக ஏறிச் செல்கின்றனர்’. வெற்றி பெற விரும்பினால் பேசுவதை கலையாகக் கொள்ள வேண்டும். உரிய நேரத்தில் சரியான முறையில் பேசாததன் காரணமாக தேடி வந்த வாய்ப்புகளை நழுவ விட்டு வாழ்வைத் தொலைத்தோர் ஏராளம்.

பயனில்லாத சொற்களை சொல்லக் கூடாது. “சொல்லுக சொல்லின் பயனுடைய சொல்லற்க சொல்லின் பயன்இலாச் சொல்” என்கிறார் வள்ளுவர். பயன் இல்லாத சொற்களால் பிறரின் வெறுப்புக்கு ஆளாக நேரிடும்.

மாட்டுக்கு பல்லைப் பிடிச்சுப் பார்க்கணும், மனிதனுக்கு சொல்லைப் பிடிச்சுப் பார்க்கணும் என்பது பழமொழி. சொல் மிகப் பெரிய தாக்கத்தையும், வலிமையையும் தரக்கூடியது. சொல்லால் யுத்தத்தையும் தொடங்க முடியும், அமைதியையும் உண்டாக்க முடியும்.

இப்படிபட்ட பேச்சுக்கலையை அடுத்த தலைமுறையினர் திறம்பட கையாள வேண்டும் என்ற கருத்தை மனதில் கொண்டு கணையாளி நடத்திய பேச்சுப்போட்டியில் வியக்கத்தக்க வகையில் பேசி அசத்திய குழந்தைகளின் பேச்சாற்றலை கீழுள்ள இணைப்பில் காணுங்கள்.

உங்கள் குழந்தைகளையும் மிகச்சிறந்த பேச்சாளராக உருவாக்குங்கள். பேச்சு ஒவ்வொரு மனிதனின் உயிர் மூச்சு.

WhatsApp chat